Dæmdur í 15 ára þrælkunarbúðir
Setja bókamerki
Bandarískur námsmaður, Otto Warmbier, hefur verið dæmdur í fimmtán ára vinnuþrælkun í Norður-Kóreu fyrir glæpi gegn ríkinu.
Warmbier, sem er 21 árs, var handtekinn fyrir að reyna að stela áróðursskilti á hóteli þegar hann var í heimsókn í Norður-Kóreu í janúar. Hann kom síðar fram í ríkissjónvarpi landsins og játaði að hafa stolið skiltinu. Hann bar því við að kirkjusöfnuður hafi beðið hann um að koma með einhvern „verðlauna“grip (trophy) heim úr ferðalaginu.
Í frétt BBC kemur fram að yfirvöld í Norður-Kóreu fangelsi stundum útlendinga til þess að auka þrýsting á andstæðinga sína. Fréttamaður BBC í Suður-Kóreu segir að 15 ára dómur sé þung refsing í samanburði við dóma sem útlendingar hafa áður fengið. Þetta geti að hluta stafað af mikilli spennu milli Norður-Kóreu og Bandaríkjanna um þessar mundir.
Warmbier, sem er nemandi við Virginíu háskóla, var handtekinn 2. janúar þegar hann var að fara frá Norður-Kóreu.
Frétt mbl.is: Bandaríkjamaður handtekinn í N-Kóreu
Litlar líkur á að hraunið nái til mannvirkja
Sjötti ferðamaðurinn er látinn
Dómur þyngdur um þrjú ár
Hraun kemur úr þremur gígum: Virknin stöðug
Hópur fólks reyndi að komast að eldgosinu
„Höfum sloppið bærilega með skaða af þessu gosi“
Fullvissa ferðamenn um að hér sé öruggt
Hótar Bretum og Bandaríkjamönnum