Fjöldagöngu í Brussel sem átti að fara fram á morgun hefur verið frestað vegna öryggisráðstafana. „March against Fear“ eða „Ganga gegn ótta“ átti að fara af stað frá Place de La Bourse torginu á morgun klukkan 14 að staðartíma en þúsundir hafa minnst fórnarlamba hryðjuverkaárásanna í borginni á torginu.

Skipuleggjendur hafa nú aflýst göngunni eftir að yfirvöld óskuðu eftir því. Fyrr í dag sagði borgarstjóri Brussel að lögregla í borginni þyrfti að nýta allan sinn kraft í það að rannsaka árásirnar og að hún hefði ekki mannskap til þess að sinna fjöldagöngu einnig.

Fyrri frétt mbl.is: Vilja að fjöldagöngu verði frestað

Innanríkisráðherrann Jan Jambon sagðist skilja tilfinningar borgaranna og að þeir vildu tjá þær. „En við erum um allt land á öryggisstigi þrjú,“ útskýrði ráðherrann. „Það eru mikilvægar rannsóknir í gangi og fyrir þær þurfum við mikið lögregluafl og það er okkar helsta forgangsatriði.“

Nokkrir hafa verið handteknir í Belgíu í tengslum við árásirnar á þriðjudaginn þar sem 31 lét lífið. Í gær var maður undir nafninu Faycal Cheffou ákærður fyrir aðild sína að árásinni.

Gangan mun vera haldin eftir nokkrar vikur að sögn yfirvalda.

Frétt Sky News. 

Tengdar fréttir

Hryðjuverk í Belgíu

Fresta hryðjuverkaréttarhöldum vegna glerkassa

• Talinn hafa verið fangavörður í Sýrlandi
• Sakfelldur fyrir morðin í gyðingasafninu
• Árásin sem markaði upphafið
• Árás við lögreglustöð í Brussel

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Sírenuvælið segir sína sögu.