Vilja banna kynlíf samkynhneigðra

Helmingur breskra múslima telur að setja eigi lög sem banna kynlíf samkynhneigðra, samkvæmt nýlegri skoðanakönnun sem greint er frá á vef Daily Telegraph í dag.

Skoðanakönnunin sem var gerð fyrir Channel 4 sjónvarpsstöðina í tengslum við sjónvarpsþátt um múslima í Bretlandi, benti til þess að gjá væri milli skoðana þorra bresks almennings og skoðana breskra múslima.   

Þannig töldu 52% aðspurðra múslima samkynhneigð ekki eiga að vera löglega í Bretlandi.

Þá voru 39% af þeim 1.000 bresku múslimum sem tóku þátt í skoðanakönnuninni þeirrar skoðunar að eiginkona ætti ávallt að hlýða manni sínum og 31% töldu í lagi fyrir karl að eiga fleiri en eina konu.

23% sögðust ennfremur styðja að sharia lög væru tekinn upp í Bretlandi. 79% fordæmdu hins vegar að  sá sem drýgði hór væri grýttur, líkt og dæmi er um í sharia lögum, á meðan að 5% voru hlynntir refsingum.  

• 2 blogg um fréttina

Bloggað um fréttina

• Guðmundur Jónsson: Múslímar eru ekki fávitar.
• Eyjólfur Jónsson: Hen samtökin mótmæla þessu.