Breskur geimfari, sem er um borð í Alþjóðlegu geimstöðinni, tók myndir af skógareldunum í Kanada og birti á Twitter. Á myndunum sést hvernig reykur frá eldunum breiðist yfir stór svæði í Norður-Ameríku og út á Atlantshafið.
Um 90 þúsund manns í Alberta-fylki hafa þurft að yfirgefa heimili sín vegna eldanna. Aðeins hefur dregið úr útbreiðslu eldanna í dag. Von er á skúrum sem gætu heft útbreiðslu þeirra enn frekar.
Smoke from #Alberta fires now covering vast areas of North America across to Atlantic coast. #ymmfire pic.twitter.com/UUDQtAwU5k
— Tim Peake (@astro_timpeake) May 8, 2016