Michael Cheatham, skurðlæknir á Orlando Health-spítalanum, hefur biðlað til fólk um að gefa blóð vegna árásinnar sem framin var á Pulse-skemmtistaðnum í Orlando í nótt. „Blóð er yndisleg gjöf. Það er hentugast að fara í blóðbanka til að gefa blóð, ekki koma upp á spítala,“ sagði Cheatham.

Samkvæmt vef The Guardian hafa OneBlood-samtökin gefið út tilkynningu þar sem fram kemur að skortur sé á blóði í blóðflokkum O plús, O mínus og AB. Þá eru múslimar eindregið hvattir til að gefa blóð vegna árásarinnar.

Samkynhneigðir mega ekki gefa blóð í Bandaríkjunum. Nýlega var þó farið yfir lögin og þeim breytt þannig að samkynhneigðir karlmenn mega ekki gefa blóð í ár eftir að þeir hafa átt í samræði við annan karlmann en annars er þeim það heimilt.

Fimm­tíu eru látn­ir og fimmtíu og þrír særðir eft­ir árásina. Árás­armaðurinn, Omar Mateen, hóf skot­hríð á skemmti­staðnum Pulse sem er fyr­ir LGBT-fólk, þ.e. sam­kyn­hneigða, tví­kyn­hneigða og trans­fólk, í nótt en hann féll síðar í skot­b­ar­daga við lög­reglu. 

Tengdar fréttir

Skotárás í Orlando

Sýknuð fyrir aðild að árásinni á Pulse

• Vettvangi fjöldamorðs breytt í safn
• Eiginkona Orlando-byssumannsins handtekin
• „Ég vissi ekkert“
• Rukka ekki lækniskostnað vegna árásar

» Fleiri tengdar fréttir

• Blogga um frétt