Stuðningsmenn Bernies Sanders, sem sóttist eftir útnefningu Demókrataflokks Bandaríkjanna fyrir forsetakosningarnar í nóvember, fögnuðu sigri á undirbúningsfundi fyrir landsþing flokksins sem haldið verður í lok þessa mánaðar í Fíladelfíu.

Á fundinum voru drög að stefnuskrá flokksins fyrir komandi forsetakosningar samþykkt og sögðust stuðningsmenn Sanders hafa fengið 80 prósent af því sem þeir vildu inn í stefnuskrána, m.a. tillögur um loftslagsmál, heilbrigðisþjónustu og 15 dollara lágmarkslaun.

Stuðningsmenn Clinton höfnuðu þó tillögum Sanders-stuðningsmanna um að fordæma byggðir Ísraelsmanna á Vesturbakkanum og Gazasvæðinu og að hafna fríverslunarsamningi við ríki Kyrrahafsins (e. Trans Pacific Partnership).

Í frétt CNN frá fundinum segir að niðurstaða fundarins auki líkurnar á því að Bernie Sanders birtist við hlið Clinton í New Hampshire á þriðjudag og tilkynni stuðning sinn við framboð hennar.

Tengdar fréttir

Forsetakosningar í Bandaríkjunum 2016

Obama kenndi Clinton um sigur Trump

• Minnka vægi ofurkjörmanna
• Vill rannsókn á kosningabaráttu Clinton
• Samfélagsmiðlar undir smásjá Bandaríkjaþings
• Samþykkir val á Rex Tillerson

» Fleiri tengdar fréttir

• 1 blogg um fréttina

Bloggað um fréttina

• Geir Ágústsson: Atvinnuleysi bundið í stefnuskrá