Manuel Valls, forsætisráðherra Frakklands, segir að árásarmaðurinn sem ók vörubifreið inn í hóp fólks í Nice í Frakklandi í gærkvöldi hafi verið hryðjuverkamaður sem tengdist líklega öfgahópum múslíma. Valls kom fram í sjónvarpsviðtali í dag en að minnsta kosti 84 létu lífið í árásinni.

„Hann var hryðjuverkamaður sem tengdist líklega öfgahópum múslíma á einn eða annan hátt,“ sagði Valls.

Þá sagði hann jafnframt að nú stæði til að auka hernaðaraðgerðir gegn Ríki íslams en Vesturlönd hafa tekið þátt í loftárásum gegn samtökunum. Sagði hann að fundað yrði í Washington í næstu viku og rætt hvernig ætti að auka hernaðaraðgerðir gegn Ríki íslams í Sýrlandi og Írak.

Forsætisráðherra Frakklands, Manuel Valls AFP

Tengdar fréttir

Árás í Nice

Fimm ár liðin frá blóðbaðinu í Nice

• Fordæma myndbirtingu frá árásinni í Nice
• Land móður minnar
• „Ljónynjur“ handteknar
• Felldu hættulegasta hryðjuverkamann Frakka

» Fleiri tengdar fréttir

• 1 blogg um fréttina

Bloggað um fréttina

• Kristján H. Kristjánsson: Franskt veggspjald sem sýnir viðbrögð við hryðjuverkum.