Trúarbrögð ekki ástæðan fyrir stríði

Frans páfi segir að stríð ríki í heiminum en það sé ekki af völdum trúarbragða.

„Við megum ekki vera hrædd við að segja sannleikann. Það er stríð í heiminum vegna þess að hann hefur tapað friðnum,“ sagði Frans við komu sína til Póllands, degi eftir að öfgamenn myrtu prest í Frakklandi.

„Þegar ég tala um stríð þá á ég við stríð vegna hagsmuna, peninga og auðlinda, en ekki trúarbragða. Öll trúarbrögð vilja að friður ríki, það eru hinir sem vilja stríð,“ sagði hann.

Ríki íslams hefur lýst yfir ábyrgð á dauða kaþólsks prests í gær. Morðið hefur varpað skugga á ferð páfans til Póllands þar sem hundruð þúsunda kaþólskra ungmenna hafa safnast saman.

„Við heyrum mikið talað um óöryggi en réttast er að tala um stríð. Heimurinn hefur átt í sundurskiptu stríði í nokkurn tíma. Eitt stríð hófst 14, annað 39-45 og núna þetta,“ sagði hann og átti við fyrri og síðari heimsstyrjaldirnar.

Frans páfa var fagnað við komuna til Póllands. AFP

• 2 blogg um fréttina

Bloggað um fréttina

• Mofi: Er það ekki trú ISIS sem rekur þá áfram?
• Guðmundur Jónsson: Páfinn og Guðni forseti fávísa lýðsins eru komnir í hár …