Kljúfa sig frá al-Kaída
Setja bókamerki
Samtökin Jabhat al-Nusra, sem eru meðal annarra uppreisnarmanna sem barist hafa gegn sýrlenska stjórnarhernum, tilkynntu í dag klofning sinn frá al-Kaída-hryðjuverkasamtökunum.
Abu Mohammed al-Julani, leiðtogi samtakanna, sagði að eftirleiðis hétu þau Jabhat Fateh al-Sham. Al-Julani sagði breytingunum vera ætlað að fjarlægja þann fyrirslátt sem sýrlenski stjórnarherinn og Rússar nýti sér til að varpa sprengjum á almenna borgara.
Fréttavefur BBC segir Bandaríkjastjórn þegar hafa tjáð sig um málið og að að engin ástæða sé til að hætta að líta á samtökin sem hryðjuverkasamtök.
Al-Kaída hefur tilkynnt að samtökin styðji breytinguna og Ahmed Hassan Abu al-Khayr, annar æðstu stjórnenda al-Kaída, hafi hvatt al-Nusra að gera það sem þau geti til að verja hagsmuni íslams, múslima og heilags stríðs í Sýrlandi.
Al-Julani segir nýju samtökin ekki munu hafa nein tengsl við erlend samtök, en erlendir sérfræðingar segja nafnabreytinguna gerða eftir að Bandaríkin og Rússland hertu á hernaðaraðgerðum sínum gagnvart al-Nusra.
Talið er að samtökin vonist með þessu móti til að bæta tengsl sín við aðra hópa uppreisnarmanna sem berjast gegn sýrlenska stjórnarhernum.
Feðgar saman í Grænlandstúr á jólum
38 létust í flugslysi
Ekkert ferðaveður og vegalokanir á jóladag
Í þögn hjartans
Clinton fluttur á sjúkrahús
Óveður heldur Holtavörðuheiði lokaðri
Ofmeta sparnað í stjórnarráðinu
Fuglager í Grindavík: „Þetta var bara pínu magnað“