Flytja eldflaugavarnakerfi á Krímskaga

Rússneski herinn hefur flutt háþróað eldflaugavarnakerfi á Krímskaga. Í tilkynningu frá Rússum kemur fram að hersveitir á skaganum hafi fengið til sín glænýtt eldflaugavarnakerfi af gerðinni S-400.

Spenna á milli Úkraínu og Rússa hefur aukist að undanförnu vegna Krímskaga.

Öryggisþjónusta Rússa, FSB, greindi frá því á miðvikudag að hún hefði komið í veg fyrir „hryðjuverkaárásir“ á Krímskaga sem hún sagði að Úkraínumenn hefðu staðið á bak við.

Eldflaugavarnakerfið S-400 hefur einnig verið flutt til Sýrlands, þar sem Rússar hafa varpað sprengjum til stuðnings Bashar al-Assad, forseta Sýrlands.

Kerfið getur komið auga á um 300 skotmörk og skotið á fjórða tug eldflauga niður á sama tíma, af mörg hundruð kílómetra færi.

• 2 blogg um fréttina

Bloggað um fréttina

• Ómar Ragnarsson: Hæg en ógnandi stigmögnun.
• Páll Vilhjálmsson: Nýja kalda stríðið: Úkraína eftir Pútín-Erdogan bandalag