Sýrlandssamkomulag Bandaríkjanna og Rússlands gegn herskáum öfgahópum í Sýrlandi hefur fengið jákvæðar viðtökur hjá yfirvöldum í Tyrklandi og hjá Evrópusambandinu. Þörf sé þó á frekari aðgerðum.

Sjá frétt mbl.is: Komust að samkomulagi um vopnahlé í Sýrlandi

BBC hefur eftir yfirvöldum í Tyrklandi að brýnt sé að mannúðaraðstoð verði hluti af samkomulaginu frá byrjun, en vopnahléið á að hefjast við sólsetur á mánudag.

Federica Mogherini, yfirmaður utanríkis- og öryggismálastefnu ESB, brýndi fyrir Sameinuðu þjóðunum að undirbúa „pólitísk umskipti“ í Sýrlandi.

Federica Mogherini, yfirmaður utanríkis- og öryggismálastefnu ESB. AFP

Samkomulagið felur meðal annars í sér 10 daga vopnahlé og í framhaldinu verður sett upp sérstök stjórnstöð til að samræma loftárásir. Sýrlenski stjórnarherinn fær ekki að taka þátt í þeim.

Talskona stjórnarandstöðunnar í Sýrlandi segir að samkomulagið feli í sér ákveðna von en þörf sé á frekari smáatriðum í samningnum svo hægt sé að fylgja honum eftir.

Stjórnvöld í Damaskus, höfuðborg Sýrlands, hafa fallist á samkomulagið, samkvæmt upplýsingum frá ríkisfréttastöð Sýrlands, Sana.

Tengdar fréttir

Sýrland

Sýrlenskir ráðamenn heimsækja Katar

• Alþjóðaflug til Damaskus hefst aftur í næstu viku
• 14 starfsmenn ráðuneytis drepnir
• Segja fréttir af skilnaði ósannar
• Engin bein samskipti við sýrlensk stjórnvöld

» Fleiri tengdar fréttir

• 1 blogg um fréttina

Bloggað um fréttina

• Jónas Gunnlaugsson: By 2003, however, Afghanistan and Iraq were swallowed up by …