Donald Trump, forsetaframbjóðandi Repúblíkanaflokksins í Bandaríkjunum, er við „frábæra líkamlega heilsu“. Þetta kemur fram í niðurstöðum heimilislæknis hans sem framboð Trumps sendi frá sér í dag.  Drekkur hann hvorki né reykir.

Trump er 70 ára gamall, 190 sentímetra hár og mælist 107 kíló að því er segir í tilkynningunni. Þá er tekið fram að starfsemi skjaldkirtils og lifrar sé mjög góð. Þá tekur heimilislæknirinn, Harold Bornstein, fram í yfirliti sínu hvernig kólesteról, blóðsykur og blóðþrýstingur mælist hjá Trump.

Þau lyf sem Trump tekur eru lyf til að lækka kólesterólmagn og lítið magn af aspirínverkjalyfjum. Þá hvorki reykir Trump tóbak né drekkur áfengi að því er fram kemur í yfirlitinu.

Heilsa forsetaframbjóðendanna hefur verið nokkuð í sviðsljósinu undanfarna daga eftir að Hillary Clinton, frambjóðandi Demókrataflokksins, fékk lungnabólgu.

Tengdar fréttir

Forsetakosningar í Bandaríkjunum 2016

Obama kenndi Clinton um sigur Trump

• Minnka vægi ofurkjörmanna
• Vill rannsókn á kosningabaráttu Clinton
• Samfélagsmiðlar undir smásjá Bandaríkjaþings
• Samþykkir val á Rex Tillerson

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Churchill og Eisenhower hjartaveilir og Reagan með Alzheimer.