Merkel galt afhroð í Berlín

Kristilegir demókratar, flokkur Angelu Merkel kanslara Þýskalands, beið afhroð í sambandsþingskosningum sem haldnar voru í Berlín í dag. Flokkurinn fékk einungis 18% atkvæði, sem er minnsta fylgi sem flokkurinn hefur fengið í borginni frá lokum síðari heimstyrjaldarinnar.

Sigurvegari kosninganna var hins vegar hægri öfgaflokkurinn AfD,  sem fékk 14% atkvæða samkvæmt útgönguspám þýska ríkissjónvarpsins.

Niðurstöður kosninganna þykja mikill áfellisdómur yfir stefnu Angela Merkel í innflytjendamálum, en AfP hefur haldið uppi harðri gagnrýni á stefnu kanslarans. AfP hefur nú náð þing­sæt­um í tíu af 16 sam­bands­fylkj­um Þýska­lands, en framgangur flokksins hefur einkum verið mikill í fylkjum fyrrum Austur-Þýskalands.

Þrátt fyrir að Kristilegir demókratar hafi beðið stærri ósigur í öðrum sambandsfylkjum Þýskalands á undanförnu, m.a. í heimarfylki Merkel Mecklenburg-Vorpommern, þá er tapið í Berlín litið mun alvarlegri augum.

Úrslit kosninganna eru talin lík­legt til að marka enda­lok á sam­starfi Kristi­legra demó­krata og Jafnaðarmanna­flokks Þýska­lands, sem útlit er fyrir að fái 22% at­kvæða.

• 1 blogg um fréttina

Bloggað um fréttina

• Páll Vilhjálmsson: Píratar stórtapa - málefnadauði