Reynt til þrautar að endurheimta Mosúl
Setja bókamerki
Íraksher reynir nú til þrautar að endurheimta borgina Mosúl, sjálfskipaða höfuðborg kalífadæmis Ríkis íslams, að sögn forsætisráðherra Íraks. Bandarísk yfirvöld fagna yfirlýsingu forsætisráðherrans og segja að þetta geti ráðið úrslitum í baráttunni við að tortíma hryðjuverkasamtökunum Ríki íslams. Auk Írakshers taka bandamenn þeirra þátt í aðgerðunum, til að mynda Bandaríkjaher.
Allt að 1,5 milljón almennra borgara er enn í borginni, samkvæmt upplýsingum frá Sameinuðu þjóðunnum. Óttast er að íslamístarnir noti íbúa sem mannlega skildi þegar þeir reyna að hrekja stjórnarherinn á brott. Mosúl er síðasta stóra vígi Ríki íslams í Írak.
Forsætisráðherra Íraks, Haider al-Abadi, sagði í sjónvarpsávarpi í dag að hann lýsti yfir upphafi aðgerða, sem myndu enda með sigri, til að frelsa fólk undan ofbeldi og hryðjuverkum Daesh (Ríkis íslams).
Mosúl féll í hendur vígasamtakanna fyrir tveimur árum þegar þau fóru eins og stormsveipur um Sýrland og Írak þar sem borgarastyrjaldir gerðu þeim auðvelt fyrir. Ef það tekst að endurheimta Mosúl er líklegt að alvarlegir brestir myndist í uppistöður kalífadæmisins.
Ekki vandamál að vera karlmaður
„Höfum sloppið bærilega með skaða af þessu gosi“
Dómur þyngdur um þrjú ár
Hraun kemur úr þremur gígum: Virknin stöðug
Yfir 300 stæði fóru undir hraun
Sólveig Anna furðar sig á aðferðum kennara
Nýtt fangelsi í landi Stóra-Hrauns tilbúið 2028