Trump skipar í fyrstu stöðurnar
Setja bókamerki
Donald Trump, verðandi forseti Bandaríkjanna, hefur skipað í fyrstu embættisstöður ríkisstjórnar sinnar. Reince Priebus, formaður landsnefndar Repúblikanaflokksins, mun gegna stöðu starfsmannastjóra Hvíta hússins.
Steve Bannon, frumkvöðull á sviði samfélagsmiðla sem stjórnaði kosningabaráttu Trumps síðustu mánuðina, verður þá aðalskipuleggjandi og háttsettur ráðgjafi forsetans.
„Ég er hæstánægður með að hafa þennan mjög árangursríka hóp áfram með mér við stjórn landsins,“ segir Trump í tilkynningu.
„Steve og Reince eru virkilega hæfir leiðtogar sem hafa unnið vel saman í kosningabaráttunni, og leiddu okkur til sögulegs sigurs. Nú mun ég hafa þá báða með mér í Hvíta húsinu þegar við vinnum að því að gera Bandaríkin stórkostleg á ný.“
Talið er að Priebus, sem gamalreyndur stjórnmálamaður innan flokksins, geti styrkt sambönd Trumps við aðra leiðtoga repúblikana og þá sérstaklega Paul Ryan, forseta fulltrúadeildar þingsins.
Hrikalegt að heyra fréttirnar
„Börn heima sem maður myndi vilja hafa í skjóli“
Skattamál verði líklega „þeirra mesta klemma“
Segir að verið sé að svindla á Bandaríkjunum
Ók á hóp fólks á jólamarkaði: Einn látinn
Fyrsti blaðamannafundurinn í heild sinni
/frimg/1/53/78/1537870.jpg)
Í kaffi með Vigdísi
Bjarni afhenti Kristrúnu lyklana
