Jill Stein, fyrrverandi forsetaframbjóðandi Græningja í Bandaríkjunum, hefur breytt um áherslur í baráttu sinni fyrir því að endurtalning verði framkvæmd í Pennsylvaníu-ríki.

Hún segir að erfitt sé að safna tryggingafé upp á eina milljón dollara eins og ríkisdómstóll Pensylvaníu hefur krafist vegna endurtalningarinnar. Hún er því hætt við að krefja dómstólinn um endurtalningu. 

Þess í stað ætlar hún að setja þrýsting á alríkisdómstól um endurtalningu með því að höfða mál á morgun.

„Engar áhyggjur, Stein og fylgismenn hennar ætla áfram að berjast fyrir endurtalningu atkvæða í Pennsylvaníu,“ sagði lögmaðurinn Jonathan Abaday í yfirlýsinu.

„Undanfarna daga hefur það komið í ljós að hindranirnar til að sannreyna kosningarnar í Pennsylvaníu eru svo miklar að réttarkerfi ríkisins er vanbúið til að takast á við vandamálið. Þess vegna munum við óska eftir því að alríkisdómstóll fari í málið,“ sagði hann.

Tengdar fréttir

Forsetakosningar í Bandaríkjunum 2016

Obama kenndi Clinton um sigur Trump

• Minnka vægi ofurkjörmanna
• Vill rannsókn á kosningabaráttu Clinton
• Samfélagsmiðlar undir smásjá Bandaríkjaþings
• Samþykkir val á Rex Tillerson

» Fleiri tengdar fréttir

• 1 blogg um fréttina

Bloggað um fréttina

• Ragnar Kristján Gestsson: Forsætisfarsar