Vígasamtökin Ríki íslams hafa birt myndskeið sem sýnir tvo tyrkneska hermenn sem voru í haldi samtakann brennda lifandi. Hart er barist við landamæri Tyrklands í Sýrlandi og létust 16 borgarar í árásum tyrkneska hersins á bæ sem er undir yfirráðum Ríkis íslams í nótt.

Myndskeiðið er 19 mínútur að lengd og sýnir það tvo einkennisklædda menn dregna út úr búrum áður en þeir eru bundnir og kveikt í þeim. Myndskeiðið var birt á vef vígasamtakanna og á að vera tekið í héraði í Norður-Sýrlandi sem er undir yfirráðum Ríkis íslams. Morðinginn, sem talar tyrknesku, gagnrýnir forseta Tyrklands í myndskeiðinu og hvetur til árása þar. 

Hryllingurinn sem sýndur er minnir mjög á drápið á jórdanska flugmanninum Maaz al-Kassasbeh, sem vígamenn fönguðu þegar flugvél hans nauðlenti í Sýrlandi fyrir tveimur árum. Hann var brenndur lifandi í búri í desember 2014.

Fyrr í vikunni drápu vígamenn 16 tyrkneska hermenn í bardögum í grennd við sýrlenska bæinn Al-Bab. 

Af þeim sextán almennum borgurum sem voru drepnir af tyrkneskum hermönnum í nótt eru þrjú börn, samkvæmt upplýsingum frá Syrian Observatory for Human Rights. Eftir árásirnar í nótt hafa 88 íbúar Al-Bab verið drepnir síðasta sólarhring eftir að harðar árásir Tyrkja á bæinn. Þar af eru 24 börn.

Tengdar fréttir

Sýrland

Forsetafrú með hvítblæði

• Helsti ráðgjafi Hisbollah sá sem ráðinn var af dögum
• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad

» Fleiri tengdar fréttir

Ríki íslams

Scholz vill herða vopnalöggjöf í kjölfar árásar

• Heimsækir borg þar sem hnífaárás var gerð
• Hryðjuverkasamtök heilla unglinga á Tiktok
• Íslenskur netþjónn hýsti hryðjuverkaáróður
• Neita að tjá sig um Ríki íslams

» Fleiri tengdar fréttir

• 1 blogg um fréttina

Bloggað um fréttina

• Páll Þorsteinsson: No video? Og ég sem hélt þetta væru fréttirnar ?!??