Hrapaði vegna bilana í vængjabúnaði

Bilanir í vængjabúnaði eru sögð orsök þess að rússnesk herflugvél með 92 innanborðs hrapaði í Svartahafið á aðfararnótt jóladags. Flugriti vélarinnar Tu-154 var fluttur til Moskvu í gær til rannsóknar en brak vélarinnar fannst í fyrradag á 27 metra dýpi í Svartahafinu.

Í frétt BBC er haft eftir heimildarmanni Interfax fréttaskrifstofunnar að vængbörð í vélinni hafi ekki hreyfst á réttan hátt. Vængbörð eða flapar hjálpa til við að halda flugvélum á lofti.

Þá er sagt að nokkur af síðustu orðum flugmannanna verið „Vængbörðin, helvítis...“ en fréttastofa BBC segir að á rússneska netfréttamiðlinum Life megi finna afrit af upptökum úr flugstjórnarklefanum:

• „Hraði 300 (óheyranlegt)“
• „(Óheyranlegt)“
• „Ég er búinn að taka lendingarbúnaðinn upp, foringi“
• „(Óheyranlegt)“

Skerandi hljóð heyrist

• „Vængbörðin, helvítis, hvað er...“
• „Hæðarmælirinn!“
• „Við erum í ... (óheyranlegt)“

Viðvörunarhljóð heyrast um hættulega nálægð við jörðu

• „(Óheyranlegt)“
• „Foringi, við erum að hrapa!“

Vélin var á leið til herstöðvar Rússa í Sýrlandi þar sem Alexandrov-kór rússneska hersins átti að koma fram á nýárstónleikum. 64 meðlimir kórsins voru um borð í vélinni.

• 1 blogg um fréttina

Bloggað um fréttina

• Ómar Ragnarsson: Litlir og einfaldir hlutir ráða oft úrslitum.