Forseti Sýrlands, Bashar al-Assad, sagði í dag að árásir stjórnarhers hans á austurhluta borgarinnar Aleppo hafi verið nauðsynlegar til þess að frelsa hana frá uppreisnarmönnum í landinu. Hinn möguleikinn hefði verið að skilja íbúana eftir í höndum hryðjuverkamanna.

„Er það hlutverk ríkisins að standa á hliðarlínunni og horfa á? Þú verður að frelsa og þetta er stundum það sem það kostar,“ sagði forsetinn. Mannréttindasamtök telja að yfir 21 þúsund óbreyttra borgara hafi látið lífið í Aleppo frá því að borgarastyrjöldin í Sýrlandi braust út árið 2011.

Fyrirhugaðar eru friðarviðræður síðar í þessum mánuði á milli stríðandi fylkinga í Sýrlandi að frumkvæði Tyrkja og Rússa en óvíst er hverjir eiga eftir að mæta til þeirra. Hópar uppreisnarmanna hafa hótað því að sniðganga viðræðurnar vegna ásakana í garð sýrlenskra stjórnvalda fyrir að hafa ekki staðið við vopnahlésskilmála.

Fréttavefur Sky-sjónvarpsstöðvarinnar segir frá

Tengdar fréttir

Sýrland

Forsetafrú með hvítblæði

• Helsti ráðgjafi Hisbollah sá sem ráðinn var af dögum
• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Kristnir fagna frelsun Aleppo undan múslímum