Mary Tyler Moore látin

Bandaríska leikkonan Mary Tyler Moore er látin, áttræð að aldri, eftir að hafa glímt við veikindi undanfarin ár.

Sjö þáttaraðir af samnefndum gamanþætti Moore voru sýndar í bandarísku sjónvarpi á áttunda áratugnum við miklar vinsældir.

Tímaritið Time sagði þáttinn einn af sautján sem „breyttu sjónvarpinu“.

Moore hafði þjáðst af sykursýki undanfarin ár og gekkst einnig undir heilaskurðaðgerð árið 2011.

Hún lést á sjúkrahúsi í Connecticut.