Lögbann á ferðabann Trumps
Setja bókamerki
Bandarískur alríkisdómari fyrirskipaði í gær tímabundið lögbann á ákvörðun Donalds Trump Bandaríkjaforseta um að banna borgurum sjö ríkja þar sem múslimar eru í meirihluta að koma til landsins. Úrskurður dómarans er talinn mikið áfall fyrir forsetann.
Fram kemur í frétt AFP að úrskurður dómarans, James Robart, í borginni Seattle gildi á landsvísu en hann féll í kjölfar kæru frá ríkissaksóknara Washington-ríkis, Bobs Ferguson. Lögbannið gildir á meðan kæra Fergusons verður tekin til skoðunar.
„Stjórnarskráin sigraði í dag,“ sagði Ferguson þegar úrskurður Robarts lá fyrir. Sagði hann niðurstöðuna sögulega. „Enginn er hafinn yfir lögin. Ekki einu sinni forsetinn.“ Það sem hefði sigur í dómsalnum væri ekki háværasta röddin heldur stjórnarskráin.
Benti Ferguson ennfremur á að Robart dómari hefði verið skipaður á sínum tíma af George W. Bush, þáverandi Bandaríkjaforseta, sem kom úr Repúblikanaflokknum líkt og Trump. Hvíta húsið brást hratt við og sagðist meira en reiðubúið í átök um málið.
Talsmenn Trumps lýstu úrskurðinum í fyrstu sem hneyksli en það orðalag var síðan fjarlægt úr yfirlýsingu frá Hvíta húsinu. Fram kemur í yfirlýsingunni að dómsmálaráðuneytið hafi í hyggju að fara fram á frestun á úrskurði dómarans við fyrsta tækifæri.
Ferguson sagði að úrskurðurinn þýddi í raun að hver sem hefði gilda vegabréfsáritun ætti rétt á að koma til Bandaríkjanna. Óvíst er hins vegar hvort mótaðgerðir stjórnvalda skili árangri sem kann að þýða að ferðamenn verði í lagalegri óvissu um stöðu sína.
Forstjóri bendir á ábyrgð birgja vegna verðhækkana
Var engin kristnitaka árið 1000?
Skattamál verði líklega „þeirra mesta klemma“
„Mér finnst gamla Samfylkingin komin aftur“
„Þetta er ríkisstjórn almannahagsmuna“
„Tímabil aukinnar eldvirkni“
Stormur á Þorláksmessu en víðast hvar stefnir í hvít jól
Ný ríkisstjórn kynnt á morgun
