Til varnar lýðræðinu
Setja bókamerki
Ritstjóri þýska tímaritsins Der Spiegel hefur varið forsíðu blaðsins þar sem Donald Trump Bandaríkjaforseti er sýndur halda á afskornu höfði frelsisstyttunnar í annarri hendi og blóðugum hníf í hinni.
Sitt sýnist hverjum um forsíðuteikninguna en ritstjórinn segir hana svar tímaritsins við atlögum gegn lýðræðinu.
„Der Spiegel leitast ekki eftir því að storka neinum,“ sagði Klaus Brinkbaeumer í samtali við Reuters eftir að mikið fjaðrafok myndaðist á samfélagsmiðlum vegna forsíðunnar.
„Við viljum sýna um hvað þetta snýst; þetta snýst um lýðræði, þetta snýst um frelsi, þetta snýst um fjölmiðlafrelsi, frelsi réttlætisins og það er allt í verulegri hættu,“ sagði hann. „Þannig að við erum að verja lýðræðið [...] Eru þetta alvarlegir tímar? Já, það eru þeir.“
Alexander Graf Lambsdorff, flokksmaður Frjálsra demókrata og varaforseti Evrópuþingsins, kallaði forsíðuna „smekklausa“. Þá sagði Die Welt hana „skaða blaðamennsku“ á meðan Frankfurter Allgemeine Zeitung sagði hana nákvæmlega það sem Trump þyrfti; „afbakaða mynd af sér sem hann getur notað til að vinna að þeirri afbökuðu mynd sem hann hefur af fjölmiðlum.“
Viðræður ekkert þokast frá því á þriðjudag
„Höfum sloppið bærilega með skaða af þessu gosi“
Hótar Bretum og Bandaríkjamönnum
Hraun kemur úr þremur gígum: Virknin stöðug
Hentugt gos fyrst gýs á annað borð
/frimg/1/53/7/1530787.jpg)
Flogið á milli ljósaskipta
Sjötti ferðamaðurinn er látinn