Grikk­land hefði átt að yf­ir­gefa evru­svæðið fyr­ir fjór­um árum, þegar það hefði verið „auðveld­ara og ein­fald­ara.“ Þetta seg­ir Ted Malloch, sem Don­ald Trump hef­ur til­nefnt sem sendi­full­trúa Banda­ríkj­anna við Evr­ópu­sam­bandið.

Malloch tel­ur litl­ar lík­ur á því að evru­sam­starfið lifi 18 mánuði í nú­ver­andi mynd. Þá seg­ir hann spurn­ing­una hvort það lif­ir yfir höfuð áleitna.

„Við höf­um séð úr­sögn Bret­lands, það eru kosn­ing­ar í öðrum Evr­ópu­lönd­um; þannig að ég tel að þetta sé eitt­hvað sem mun koma í ljós á næsta eina, eina og hálfa ári.“

„Af hverju er Grikk­land aft­ur á bjarg­brún­inni,“ spurði hann enn­frem­ur í gríska spjallþætt­in­um Istories. „Þetta virk­ar eins og deja vu, mun þetta ein­hvern tím­ann taka enda? Ég held að í þetta sinn verði ég að segja að það séu meiri lík­ur á að Grikk­land gangi úr evru­sam­starf­inu.“

Malloch er at­hafnamaður og var ein­arður stuðnings­maður Brex­it. Hann sagðist hjart­an­lega sam­mála um­mæl­um sem Trump lét falla í októ­ber 2012, þessi efn­is að Grikk­ir ættu ekki að hika við að taka aft­ur upp drök­muna.

Leiðtog­ar á Evr­ópuþing­inu hafa kallað eft­ir því að Evr­ópu­sam­bandið hafni vali Trump á Malloch en hann hef­ur sagt að ef til vill þurfi að „temja“ sam­bandið og vísað til þess í sömu andrá að hafa átt aðkomu að því að fella Sov­ét­rík­in.

Ítar­lega frétt um málið má finna hjá Guar­di­an.

Tengd­ar frétt­ir

Grikk­land

Ferðamönn­um boðið frítt til Grikk­lands

• Grikk­ir ganga til kosn­inga
• Sprengju­til­ræði í Aþenu
• Efna­hagsaðstoð við Grikki lokið
• Ekk­ert sam­komu­lag um af­skrift­ir

» Fleiri tengd­ar frétt­ir

Don­ald Trump Banda­ríkja­for­seti

Bald­ur: Banda­rík­in vilja ráða yfir Íslandi

• Tel­ur að ekki sé þörf á að beita hervaldi
• Pútín sagður gefa í skyn að Trump vilji Ísland
• Vance heim­sæk­ir Græn­land
• Car­ney ómyrk­ur í máli

» Fleiri tengd­ar frétt­ir

• 2 blogg um frétt­ina

Bloggað um frétt­ina

• Heims­sýn: Þeir segja aukn­ar lík­ur á brott­hvarfi Grikkja!
• Páll Vil­hjálms­son: Grex­it á eft­ir Brex­it; síðast kem­ur ESB-exit