Banda­rísk stjórn­völd staðfestu í dag að til skoðunar sé að gefa út nýja til­skip­un um að banna tíma­bundið íbú­um sjö ríkja þar sem múslim­ar eru í meiri­hluta íbúa að koma til Banda­ríkj­anna. Fyrri til­skip­un Don­alds Trump Banda­ríkja­for­seta var stöðvuð af banda­rísk­um dóm­stól­um en málið er hins veg­ar enn til meðferðar í rétt­ar­kerfi lands­ins.

Haft er eft­ir Stephen Miller, ráðgjafa Trumps, í frétt AFP að stjórn­völd séu að skoða alla mögu­leika í stöðunni. Næsta skrefið væri annaðhvort að óska eft­ir því að Hæstirétt­ur Banda­ríkj­anna veitti áfrýj­un máls­ins flýtimeðferð eða að gefa út nýja til­skip­un. Ekki færi á milli mála að Trump hefði vald til þess að gefa slíka til­skip­un út.

„Við erum með í skoðun frek­ari aðgerðir til þess að tryggja að inn­flutn­ing­ur fólks til lands­ins sé ekki notaður til þess að taka við fólki sem er fjand­sam­legt í garð Banda­ríkja­manna og gilda þeirra,“ seg­ir Miller. Ekki ætti að taka við öðrum en þeim sem bæru ást í brjósti til Banda­ríkja­manna og stjórn­ar­skrár Banda­ríkj­anna.

„Skila­boðin sem ég vil að heim­ur­inn heyri í dag eru þau að Banda­rík­in munu verja landa­mæri sín. Þau munu verja borg­ara sína,“ sagði hann enn frem­ur.

Tengd­ar frétt­ir

Don­ald Trump Banda­ríkja­for­seti

Pútín „ekki slæm­ur ná­ungi“

• Hálfri millj­ón verði að óbreyttu vísað úr landi
• Ætlar að loka mennta­málaráðuneyt­inu
• Boðar til neyðar­fund­ar um banda­rísk vopn
• Átti „mjög gott“ spjall við Selenskí

» Fleiri tengd­ar frétt­ir

• 3 blogg um frétt­ina

Bloggað um frétt­ina

• Páll Vil­hjálms­son: Birgitta: ferðabann er þjóðern­is­hreins­un
• Íslenska þjóðfylk­ing­in: Álykt­un um skaðleg­ar egn­ing­ar á Alþingi gegn Banda­ríkj­un­um og um …
• Ómar Ragn­ars­son: Marg­fald­ur Joseph McCart­hy.