Kæmi til þess að Frakkland segði skilið við evruna og tæki upp sjálfstæðan gjaldmiðil á nýjan leik myndi það hafa mikinn árlegan kostnað í för með sér að mati bankastjóra franska seðlabankans, Francois Villeroy de Galhau.

De Galhau telur að Frakkland þyrfti að punga út sem næmi 30 milljörðum evra (um 3.6 billjónir íslenskra króna) á ári til viðbótar við útgjöld franska ríksins sem fyrir eru samkvæmt frétt Euobserver.com. Kostnaðurinn kæmi til vegna hærri vaxta á skuldir ríkisins sem nema 2,2 billjónum evra eða sem nemur um 263 billjónum íslenskra króna.

Eitt af stefnumálum Marine Le Pen, forsetaframbjóðanda Frönsku þjóðfylkingarinnar, er að Frakkland segi skilið við evruna. Forsetakosningarnar fara fram í apríl.

Tengdar fréttir

Forsetakosningar í Frakklandi 2017

Grunaður um að reyna að múta dómara

• Háar fjárhæðir í förðun forsetans
• Hamon segir sig úr Sósíalistaflokknum
• Macron og Pútín skiptust á skoðunum
• Voru með leynilega áætlun gegn Le Pen

» Fleiri tengdar fréttir

• 1 blogg um fréttina

Bloggað um fréttina

• G. Tómas Gunnarsson: Já og nei og ef til vill - Skoðanir og …