Hálfbróðir Kims Jong-Un myrtur
Setja bókamerki
Hálfbróðir Kims Jong-Un, leiðtoga Norður-Kóreu, hefur verið myrtur í Malasíu, að sögn suður-kóreskra fjölmiðla. Ein sjónvarpsstöð segir að ráðist hafi verið á Kim Jong-Nam á flugvelli í Malasíu með eitruðum nálum.
Yfirvöld í Seúl, höfuðborg Suður-Kóreu hafa ekki staðfest andlát hans.
Að sögn lögreglunnar í Malasíu veiktist ónafngreindur Kóreubúi á alþjóðaflugvellinum í Kuala Lumpur og lést á leiðinni á sjúkrahús.
Stunginn með eitruðum nálum
Kim Jong-Nam, sem var 45 ára, er sagður hafa verið stunginn með eitruðum nálum af tveimur konum.
Talið er að þær séu norður-kóreskir njósnarar, að sögn Telegraph.
Konurnar eru sagðar hafa kallað á leigubíl fyrir utan flugstöðina og flúið þannig af vettvangi.
Féll í ónáð árið 2001
Kim Jong-Nam er elsti sonur Kims Jong-Il. Hann var talinn líklegur sem arftaki hans en féll í ónáð hjá föður sínum eftir að hafa reynt að komast til Japans árið 2001 á fölsuðum skilríkjum. Hann hafði ætlað sér að heimsækja Disneyland.
Síðan þá hefur hann verið meira og minna í útlegð, aðallega í Kína.
Kim Jong-Un, hálfbróðir, Jong-Nam, tók við sem leiðtogi Norður-Kóreu árið 2011 eftir að faðir þeirra lést.
Jong-Nam sagðist eitt sinn í viðtali við japanskt dagblað vera mótfallinn því hversu lengi völdin í landinu hafa verið innan sömu fjölskyldunnar.
Hraunið við bílastæði Bláa lónsins
„Má segja að þetta gos hafi þjófstartað“
Yfir 300 stæði fóru undir hraun
/frimg/1/53/8/1530844.jpg)
Myndir: Náttúrulegur þröskuldur að taka við
Hraun kemur úr þremur gígum: Virknin stöðug
Hótar Bretum og Bandaríkjamönnum