„Ógn við lýðræðið“
Hluti blaðamanna sem var meinaður aðgangur að fundinum.
AFP
Setja bókamerki
„Þetta er ógn við lýðræðið,“ segir New York Times sem er einn af mörgum fjölmiðlum sem fordæma aðgerðir Donalds Trump Bandaríkjaforseta í garð fjölmiðla. Í gær meinaði Hvíta húsið þó nokkrum bandarískum fjölmiðlum aðgang að óformlegum blaðamannafundi. BBC greinir frá.
Fyrir vikið var ríkisstjórn Donalds Trump Bandaríkjaforseta ásökuð um að vilja hafa aðeins í kringum sig þá fjölmiðla sem hugnast henni. Fundurinn var haldinn án þess að vera tekinn upp á myndband eins og hingað til hefur verið gert.
Fréttamiðillinn BBC var einn þeirra sem fékk ekki að taka þátt í fundinum líkt og CNN, New York Times, the Guardian, the Los Angeles Times, Buzzfeed, the Daily Mail og Politico.
Þeir miðlar sem fengu að sitja fundinn voru: ABC, Fox News, Breitbart News, Reuters og Washington Times.
BBC óskar eftir útskýringu
BBC hefur óskað eftir að Hvíta húsið útskýri ákvörðun sína frekar.
„Við skiljum að í ákveðnum aðstæðum þarf Hvíta húsið að takmarka aðgang fjölmiðla. Hins vegar fellur það sem gerðist í dag [í gær] ekki inn í það mynstur,“ segir Paul Danahar starfsmaður BBC í Washington. Hann bætti við: „Við munum halda áfram að vera með sanngjarnan og hlutlausan fréttaflutning þrátt fyrir þetta.“
Bannið kom stuttu eftir að Trump hafði sagt að „falskar fréttir“ væru „óvinir fólksins“.
Minntust 10 ára drengs sem lést á öðrum degi jóla
Yfir 200 skjálftar frá upphafi hrinunnar
Segir draug hafa ráðist á Ólaf Ragnar
„Verðum að grípa til ráðstafana sjálf“
Jimmy Carter er látinn
„Þetta kemur á óvart“
Talið að flugeldum hafi verið skotið á svalirnar