Þingnefnd mun rannsaka ásakanir Trumps
Setja bókamerki
Þingnefnd mun rannsaka ásakanir Donalds Trumps Bandaríkjaforseta um að forveri hans í starfi, Barack Obama, hafi látið hlera síma hans í aðdraganda kosninganna í nóvember. Þetta staðfestir formaður nefndarinnar.
Nefndin sem um ræðir hefur það hlutverk að rannsaka mál er lúta að meintum njósnum. Hún er nú þegar að rannsaka meint afskipti Rússa að forsetakosningunum í landinu.
Repúblikaninn Devin Nunes, formaður nefndarinnar, segir í yfirlýsingu að nefndin muni rannsaka hvort ríkisstjórnin hafi framkvæmd eftirlit með frambjóðendum í kosningunum eða einhverjum þeim tengdum. Hann nefndi hvergi ásakanir Trumps um slíkt beinlínis á nafn.
Trump setti ásakanir sínar fram í fjölmörgum færslum á Twitter í gær þar sem hann sagði Obama „vondan eða veikan mann“. Trump færði engin rök fyrir ásökunum sínum en sagðist hafa komist að málinu nýverið.
Trump kallaði eftir því í morgun að þingið myndi láta rannsaka málið.
Talsmaður Obama segir að ásakanir séu með öllu ósannar.
Sáu eldgosið brjótast út frá Snæfellsnesi
Mæðgur dæmdar til að greiða 64 milljónir
„Má segja að þetta gos hafi þjófstartað“
Átti ekki að láta pirring bitna á sjúklingi
Beint: Eldgos hafið við Stóra-Skógfell
Erlendir miðlar greina frá tíunda gosinu
Hraunið við bílastæði Bláa lónsins