Jeff Sessi­ons, dóms­málaráðherra Banda­ríkj­anna, krafðist í gær af­sagn­ar þeirra 46 rík­is­sak­sókn­ara sem ráðnir voru til starfa í for­setatíð Barack Obama. Í hópi þeirra er Preet Bhar­ara, rík­is­sak­sókn­ari Man­hatt­an, sem for­set­inn Don­ald Trump hafði sjálf­ur beðið um að sitja áfram þegar hann var kjör­inn for­seti.

Embætti rík­is­sak­sókn­ara er póli­tísk ráðning og vana­legt er að skipt sé um í þeim embætt­um, líkt og öðrum póli­tísk­um valda­stöðum. Ákvörðun Sessi­ons í gær kom engu að síður á óvart, enda ekki vana­legt að skipt sé út öll­um sem ráðnir voru í valdatíð síðasta for­seta. Alls eru rík­is­sak­sókn­ar­ar í Banda­ríkj­un­um 93 tals­ins og eru þeir skipaðir til fjög­urra ára í senn.

Talsmaður ráðuneyt­is­ins til­kynnti þó síðar í gær­dag að Trump for­seti hefði haft sam­band við tvo úr hópi hinna 46 og óskað eft­ir að þeir sætu áfram. Eru það ann­ars veg­ar Dana Boente, sem er vara­sak­sókn­ari Banda­ríkj­anna, og Rod Ro­sen­stein, rík­is­sak­sókn­ari Mary­land.

Reu­ters-frétta­stof­an seg­ir ekki ljóst hvort fleiri af­sögn­um verður hafnað. 

Chuck Schumer, öld­unga­deild­arþingmaður Demó­krata­flokks­ins, seg­ir í yf­ir­lýs­ingu að af­sagn­ar­kraf­an valdi hon­um áhyggj­um.

Í yf­ir­lýs­ingu dóms­málaráðuneyt­is­ins í gær seg­ir að þar til nýir rík­is­sak­sókn­ar­ar hafi verið skipaðir „muni hæf­ir sak­sókn­ar­ar hjá sak­sókn­ara­embætt­un­um halda áfram sinni góðu vinnu við að rann­saka, sækja mál og halda uppi vörn­um gegn verstu glæpa­mönn­um.“.

Tengd­ar frétt­ir

Don­ald Trump Banda­ríkja­for­seti

Fjórðung­ur þjóðar­inn­ar sniðgeng­ur banda­rísk­ar vör­ur

• The Atlantic birt­ir Signal-sam­skipt­in
• Banda­ríska sendisveit­in heim­sæk­ir ekki Græn­land
• Waltz „tek­ur fulla ábyrgð“ á neyðarlegu mis­tök­un­um
• „For­dæma­laus“ heim­sókn

» Fleiri tengd­ar frétt­ir

• 3 blogg um frétt­ina

Bloggað um frétt­ina

• Gunn­ar Rögn­valds­son: Lík­ir Bill Cl­int­on Banda­ríkja­for­seta við Er­dog­an Tyrk­lands­for­seta
• Ómar Ragn­ars­son: Er­dog­an gaf tón­inn.
• Jón­as Gunn­laugs­son: Ef þú ætl­ar að koma á breyt­ing­um, verður þú að …