Yfirmenn bandarísku alríkislögreglunnar og Þjóðaröryggisstofnunar munu í dag gefa Bandaríkjaþingi vitnisburð sinn varðandi möguleg tengsl Donald Trump við Rússa og ásakanir hans um að Barack Obama fyrrverandi forseti hafi látið hlera hann.

Framkvæmdastjóri FBI, James Comey og Mike Rogers, framkvæmdastjóri Þjóðaröryggisstofnunar, munu í dag ræða opinberlega um málefni sem hafa fangað athygli heimsins undanfarnar vikur. 

Comey mun koma fyrir leyniþjónustunefnd þingsins varðandi íhlutun Rússa í kosningabaráttuna á síðasta ári. Rogers mun einnig bera þar vitni.

Orðrómur hefur verið um tengsl Trump og samstarfsmanna hans við stjórnvöld í Rússlandi allt frá því í kosningabaráttunni. 

Í janúar greindu bandarískar leyniþjónustustofnanir frá því að tölvuþrjótar sem störfuðu fyrir rússnesk yfirvöld hafi brotist inn i tölvupóstkerfi háttsettra demókrata og birt tölvupósta sem komu sér illa fyrir kosningabaráttu Hillary Clinton, keppinaut Trump í kosningabaráttunni.

Tengdar fréttir

Donald Trump fyrrverandi Bandaríkjaforseti

„Fólk elskar þennan mann“

• Hvað verður um sakamálin ef Trump vinnur? Eða tapar?
• Tíu dagar til stefnu og Trump leiðir enn
• Gagnrýndi meint ummæli Trumps um Hitler
• Giuliani gert að afhenda íbúð sína

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Pútín leitað á bakvið Trump