Tobias Ellwood, undirráðherra í utanríkisráðuneyti Bretlands, veitti lögregluþjóni, sem var stunginn í árásinni við þinghúsið í London í dag, fyrstu hjálp og beitti munn við munn aðferð. SkyNews greinir frá. 

Myndir af Ellwood, sem er fyrrverandi hermaður, náðust þegar hann reyndi allt hvað hann gat til að bjarga lífi lögregluþjónsins við þinghúsið en án árangurs. Ellwood varð sjálfur blóðugur við björgunaraðgerðirnar sem lögreglumenn og bráðaliðar tóku einnig þátt í. Árásarmaðurinn hafði náð að særa lögreglumanninn til ólífis en var sjálfur skotinn til bana stuttu síðar. 

Að minnsta kosti fjórir létu lífið og 20 manns særðust í árásinni, þar af þrjú frönsk skólabörn. 

Sjónarvotturinn Hugh Dickinson birti myndirnar á Twitter. 

Tengdar fréttir

Árás við þinghúsið í London

Munu kalla mig hryðjuverkamann

• Handtekinn með hnífa við Westminster
• Sjötta manneskjan látin í London
• Prinsinn ræddi við eftirlifendur
• Ekkja Masood segist miður sín

» Fleiri tengdar fréttir

• Blogga um frétt