Hleruðu ráðgjafa Trumps
Setja bókamerki
Alríkislögreglan í Bandaríkjunum, FBI, fékk síðasta sumar heimild með leynd til að fylgjast með samskiptum ráðgjafa Donalds Trump í kosningabaráttunni. Var um að ræða hluta af rannsókn á meintum tengslum milli Rússa og þeirra sem stóðu að kosningabaráttunni.
Þetta kemur fram í frétt Washington Post í dag.
FBI og dómsmálaráðuneytið fengu dómsúrskurð sem gaf lögreglunni færi á að fylgjast með samskiptum Carters Page. Hafði FBI þá sannfært dómara um að það væru meiri líkur en minni á að Page væri á mála hjá erlendu ríki, í þessu tilviki Rússlandi.
Í frétt Washington Post kemur fram að þetta sé ein helsta sönnun þess hingað til að FBI hafi haft ástæðu til að ætla að ráðgjafi úr teymi Trumps hefði verið í samskiptum við Rússa meðan á kosningabaráttunni stóð síðasta sumar. Þessi tengsl eru nú til enn frekari rannsóknar sem snýr að því að upplýsa hvort Rússar hafi haft áhrif með einhverjum hætti á úrslit kosninganna.
Í frétt Washington Post segir að Page hafi ekki verið sakaður um neitt glæpsamlegt og alls óvíst er hvort dómsmálaráðuneytið muni ákæra hann fyrir meint tengsl við Rússa í kosningabaráttunni.
Í fréttinni kemur enn fremur fram að rannsókn FBI á meintum afskiptum Rússa af kosningabaráttunni hafi hafist í júlí.
Ítarlega frétt Washington Post um málið er að finna hér.
„Átti von á fleiri útköllum“
„Umferðin greinilega að þyngjast“
Ríkisstjórnin ekki beint á leiðinni í jólafrí
Innanlandsflug liggur niðri
Óveður heldur Holtavörðuheiði lokaðri
Fundaði með starfsfólki í fjóra tíma í gær
Neitaði sök um morð og hryðjuverk