Tillerson og Lavrov vilja hreinskiptar viðræður
Setja bókamerki
Rex Tillerson, utanríkisráðherra Bandaríkjanna, fundar í dag með Sergei Lavrov, utanríkisráðherra Rússlands. Tillerson sagði, áður en fundur þeirra hófst, að hann vonist eftir hreinskiptum viðræðum um samskipti ríkjanna.
„Ég hlakka til mjög opinna, einlægra og hreinskiptra umræðna,“ sagði Lavrov við fréttamenn áður en fundur þeirra hófst. Fram hefur komið að rússnesk stjórnvöld vænti þess að Tillerson veiti þeim skýringar á loftárás sem Bandaríkin gerðu á herstöð sýrlenska hersins í kjölfar efnavopnaárásarinnar á bæinn Khan Sheikhoun í síðustu viku.
Tillerson, sem er fyrsti ráðherrann í stjórn Donald Trumps Bandaríkjanna til að heimsækja Rússland, kvaðst einnig hlakka til opinna og hreinskiptra umræðna. „Þannig að við getum betur skilgreint leiðina fram á við í samskiptum Bandaríkjanna og Rússlands,“ sagði Tillerson.
Áður hefur komið fram að Tillerson vonist til að fá Rússa til að láta af stuðningi sínum við Bashar Al-Assad Sýrlandsforseta.
Vinna hefst í dag við að reisa undirstöður
Sendi nektarmyndir af dreng sem hann passaði
Létu lofthræðsluna ekki á sig fá
Vonir bundnar við morgundaginn
Börnin eiga að ýta við foreldrum sínum
„Við vöknuðum við hljóð frá sprengingum“
Auka aðgengi að Grindavík