Norður-Kórea með langdræga kjarnaflaug?
Setja bókamerki
Yfirvöld Norður-Kóreu afhjúpuðu það sem virðist vera langdræg kjarnaflaug (e. ICBM) á risastórri hersýningu í höfuðborg landsins, Pyongyang, í dag. Þetta er mat sérfræðinga.
Keyrðar voru næstum sextíu eldflaugar í gegnum Kim Il-Sung-torgið svonefnda, til að fagna þess að í dag eru liðin 105 ár frá fæðingu stofnanda ríkisins og afa leiðtogans Kim Jong-un.
Eldflaugarnar og ýmis önnur vopn voru sýnd í röð eftir stærð en það voru fjórar risavaxnar og grænar eldflaugar, sem keyrðar voru á sérhönnuðum vögnum undir lok sýningarinnar, sem vöktu athygli hernaðarsérfræðinga.
Spenna hefur farið vaxandi á ný á Kóreuskaga að undanförnu, á sama tíma og þetta einangraða ríki reynir í sífellu að koma sér upp frekari vopnaforða.
Helsta markmið yfirvalda í þeim efnum er svokölluð langdræg kjarnaflaug, en það er eldflaug sem myndi geta flogið með kjarnorkusprengju austur yfir Kyrrahafið og á meginland Bandaríkjanna. Donald Trump, forseti Bandaríkjanna, hefur hins vegar heitið því að það muni ekki gerast.
Ísland mun styðja við uppbyggingu í lok stríðs
/frimg/1/54/13/1541351.jpg)
„Mjög þungt hljóð í fólki“
Ráðamenn þurfa að hafa búið áður á staðnum
„Maður er að anda að sér eignum fólks“
„Fáránleg“ vegferð Trumps sýni mikilvægi Grænlands
60 þúsund byggingar taldar í hættu
Vill að flokksþingi verði flýtt
Enginn fundur á dagskrá og stefnir í verkföll