Ógnandi hegðun Norður-Kóreu getur ekki haldið áfram en það er samhljóma álit nokkurra ríkja, þar á meðal Kína. Þetta kom fram í máli H.R. McMaster, þjóðaröryggisráðgjafa Bandaríkjastjórnar í dag.

„Ég held að það sé samhljóma álit, þar með talið hjá Kína, að þetta geti ekki haldið svona áfram,“ sagði McMaster eftir misheppnaða eld­flauga­tilraun Norður-Kór­eu sem gerð var í gærkvöldi.

Hann bætti því við að Kínverjar hefðu nú áhyggjur af hegðun nágranna sinna á Kóreuskaga. Hann sagði ennfremur að Donald Trump Bandaríkjaforseti myndi ekki leyfa stjórnvöldum í Pyongyang að ógna Bandaríkjunum og bandamönnum þeirra.

Hann bætti því við að þetta væri stórt vandamál sem þyrfti að taka á. „Það er kominn tími til að gera hvað sem við getum til að reyna að leysa þetta mál á friðsamlegan hátt.“

Í gær fór fram stór sýn­ing í höfuðborg Norður-Kór­eu á hernaðarbúnaði lands­ins í til­efni af af­mæli stofn­anda rík­is­ins AFP

Tengdar fréttir

Norður-Kórea

Úkraínumenn handtóku norðurkóreskan hermann

• Segja Norður-Kóreumenn hafa haft lítil áhrif
• Norðurkóreskir hermenn drepnir í stríði Rússa
• Norðurkóreskir hermenn felldir í Evrópu
• Eldflaugavarnarkerfi í skiptum fyrir hermenn

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Er hugsanlegt eitthvað svipað og 1991 ?