Kosningabaráttan fyrir breytingum á stjórnarskrá Tyrklands var háð á „ójöfnum leikvelli“ og atkvæðatalningin var lituð af breytingum sem gerðar voru of seint. Þetta er mat Öryggis- og samvinnustofnunar Evrópu (OSCE) sem fylgdist með kosningunum í landinu í gær.

„Þjóðaratkvæðagreiðslan fór fram á ójöfnum leikvelli og andstæðar fylkingar höfðu ekki sömu tækifæri,“ sagði Cezar Florin Preda, sem fór fyrir eftirlitsmönnum OSCE og  þingnefnd framkvæmdaráðs Evrópusambandsins.

„Mikilvægar öryggisráðstafanir voru fjarlægðar með þeim breytingum sem gerðar voru seint á talningu atkvæða,“ sagði Preda. Tyrknesk yfirvöld tilkynntu eftir að kosning var hafin að atkvæði sem skorti stimpil yfirvalda teldust einnig gild.

Stjórnarskrárbreytingin var samþykkt með naumum meirihluta í þjóðaratkvæðagreiðslunni, eða með 51,4% atkvæða gegn 48,6%.

Tengdar fréttir

Tyrkland

Svara hryðjuverki með loftárás

• Múslimaklerkurinn Gulen er látinn
• Tyrkir vilji hleypa nýju pólitísku andrúmslofti inn
• Átök í Tyrklandi á kjördag
• Erdogan ýjar að starfslokum sínum

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Erdogan og Hitler: lýðræði og veik ríki