Stjórnvöld í Kína hafa verulegar áhyggjur af kjarnorkuáætlun Norður-Kóreu, að sögn talsmanns kínverska utanríkisráðuneytisins. Lu Kang sagði Kína mótfallið orðum eða gjörðum sem gætu aukið spennu á Kóreuskaganum.

Ummælin lét Lu falla í kjölfar þess að varautanríkisráðherra Norður-Kóreu sagði í samtali við BBC að stjórnvöld í Pyongyang hygðust halda áfram eldflaugatilraunum og grípa til fyrirbyggjandi kjarnorkuárásar ef þau teldu Bandaríkin vera að undirbúa aðgerðir.

Eldfim orð hafa fallið beggja vegna borðs síðastliðna daga en Mike Pence, varaforseti Bandaríkjanna, varaði Norður-Kóreu við því að storka stjórnvöldum í Washington og sagði þolinmæðina gagnvart Pyongyang á þrotum.

Samkvæmt BBC virðast stjórnvöld í Peking einnig vera orðin óþolinmóð í garð bandamanna sinna í Norður-Kóreu. Haft er eftir Lu að kínversk stjórnvöld stefni áfram að kjarnorkuafvopnun Kóreuskaga og því að viðhalda friði á svæðinu.

Frétt BBC.

Tengdar fréttir

Norður-Kórea

Eldflaugavarnarkerfi í skiptum fyrir hermenn

• Rússar sagðir útvega N-Kóreu milljón olíutunnur
• Gagnrýnir Vesturlönd harðlega vegna Úkraínu
• Selenskí: N-Kórea heyir stríð í Evrópu
• Vonast til að glíma við Rússa og N-Kóreu með Trump

» Fleiri tengdar fréttir

• 1 blogg um fréttina

Bloggað um fréttina

• Jóhann Elíasson: Á LITLI FEITI BRJÁLÆÐINGURINN VIRKILEGA AÐ KOMAST UPP MEÐ ÞESSA …