Sakar Íran um að ýta undir óstöðugleika
Setja bókamerki
Rex Tillerson, utanríkisráðherra Bandaríkjanna, sakar stjórnvöld í Íran um að ýta undir óstöðugleika í Mið-Austurlöndum og að grafa undan hagsmunum Bandaríkjanna á svæðinu.
Tillerson segir að eftirlitslaust Íran geti mögulega fetað í fótspor Norður-Kóreu og tekið heiminn niður með sér í leiðinni. Þetta kemur fram á vef BBC.
Ummælin lét ráðherrann falla í gær. Hann segir að Íran haldi áfram að ögra og styðja við bakið á hryðjuverkastarfsemi og kyndi undir ófriðarbál víða í heiminum. Hann gagnrýndi einni Írana fyrir þátttöku í stríðinu í Sýrlandi með stuðningi sínum við Bashar al-Assad, forseta landsins.
Í frétt BBC segir enn fremur, að Donald Trump Bandaríkjaforseti hafi fyrirskipað að samkomulag við Íran um kjarnorkumál verði endurskoðað. Tekið er fram að bandarísk stjórnvöld hafi viðurkennt að Íranar séu að fara eftir því samkomulagi sem var gert árið 2015.
Stjórnvöld í Íran hafa ekki tjáð sig um ummæli utanríkisráðherrans. Þau hafa hins vegar ítrekað neitað ásökunum Vesturveldanna um að Íran vilji smíða og þróa kjarnorkuvopn.
Spá 13-18 stiga frosti í borginni
Feðgar saman í Grænlandstúr á jólum
Segir umsókn að ESB vera óvirka
Var að slitna frá bryggju sökum hvassviðris
Í vinnunni á aðfangadagskvöldi í 25 ár
Strandveiðar í forgangi
/frimg/1/53/82/1538213.jpg)
„Hálendið eiga menn að skoða“
Strandveiðar „efnahagsleg sóun“