Ekkert ofbeldi í guðs nafni

„Aðeins friður er heil­ag­ur og ekki er hægt að beita of­beldi í nafni Guðs, því það myndi van­v­irða hans nafn,“ sagði Frans páfi í ræðu sem hann hélt við komu sína til Egypta­lands í dag. Páfi hvatti til umb­urðarlynd­is. Hann sagði að alltaf ætti að virða mann­rétt­indi, skil­yrðis­laust.

Heim­sókn Frans til Egypta­lands mun standa í 27 klukku­stund­ir. Til­gang­ur­inn er að hvetja til sam­tals milli múslima og krist­inna en kristn­ir í Egyptalandi eru minni­hluta­hóp­ur sem hef­ur ít­rekað orðið fyr­ir árás­um.

Páfinn sagði að koma yrði í veg fyr­ir að pen­ing­ar og vopn streymdu til þeirra sem hvettu til of­beld­is og beittu því. 

Frans lenti í Kaíró, höfuðborg Egypta­lands, snemma í morg­un. Hann átti í kjöl­farið fund með for­set­an­um Abdel Fattah al-Sisi og Ah­med al-Tayeb, leiðtoga múslima í land­inu.

Síðar í dag mun hann heim­sækja kirkju sem var sprengd í des­em­ber.

Frans páfi og Sheikh Ah­med al-Tayeb, leiðtogi múslima, heils­ast á fundi sín­um í Egyptalandi í dag. AFP

• 5 blogg um frétt­ina

Bloggað um frétt­ina

• Stein­dór Sig­ur­steins­son: Múslim­ar djúpt snortn­ir eft­ir að kristn­ir kopt­ar gera hið ólýs­an­lega. …
• Ómar Ragn­ars­son: Kjarn­orku­vopna­búr­in eru ekki kristn­um þjóðum sæm­andi.
• Theó­dór Norðkvist: Refsi­dóm­ar Guðs í Gamla testa­ment­inu og yf­ir­lýs­ing­ar páfans
• Wil­helm Em­ils­son: Um of­beldi
• Páll Vil­hjálms­son: Guð, of­beldi og sam­fé­lag