Kjör­stöðum í Frakklandi var lokað klukk­an sex í kvöld og benda út­göngu­spár til þess að Emm­anu­el Macron verði næsti for­seti Frakk­lands og um leið yngsti maður­inn til að gegna því embætti. 

Kosn­ingaþátt­taka í for­seta­kosn­ing­un­um að þessu sinni var held­ur dræm­ari en árið 2012 og um klukk­an þrjú í dag höfðu 65,3% kjós­enda mætt á kjörstað, sem er 6 pró­sentu­stig­um minna en síðast. Al­mennt er kosn­ingaþátt­taka góð þegar það kem­ur að for­seta­kjöri í Frakklandi, eða um 80%. 

Frétt af mbl.is

Unga gáfna­ljósið tek­ur völd­in

All­ar skoðanakann­an­ir fyr­ir síðari um­ferð kosn­ing­anna sýndu Macron hafa um­tals­vert for­skot á Le Pen, en um 60% sögðust styðja hann en 40% Le Pen. Sam­kvæmt út­göngu­spám sem belg­íska dag­blaðið Le Soir birti fyrr í dag þá halda þær töl­ur nokkuð vel og sagði belg­íska rík­is­út­varpið RTBF Macron lík­leg­an til að fá á millli 62-64% at­kvæða og yrði hann þar með fyrsti fram­bjóðand­inn sem fengi meira en 60% at­kvæða í for­seta­kosn­ing­um í land­inu.

Útgöngu­spá sem AFP birti um leið og kjör­stöðum lokaði í kvöld bend­ir hins veg­ar til að sig­ur Macrons kunni að reyn­ast enn meira af­ger­andi. Seg­ir frétta­stof­an út­göngu­spár benda til hann hafi hlotið á milli 65,5 og 66,1% at­kvæða, en Le Pen hafi fengið 33.9% og 34.5%.

Emm­anu­el Macron og eig­in­kona hans Brigitte Trog­neux fyr­ir utan kjörstað í Le Touqu­et í morg­un. AFP

Miklu magni tölvu­pósta sem sagðir eru koma frá Macron og starfs­fólki fram­boðs hans var lekið á netið á föstu­dag og vakti birt­ing­in vanga­velt­ur um það hvort gagnalek­inn myndi hafa áhrif á úr­slit kosn­ing­anna.

Þetta er í fyrsta sinn í sex ára­tugi þar sem full­trú­ar frá hinum hefðbundnu flokk­um eru ekki í fram­boði í for­seta­kosn­ing­un­um. 

Í ný­legri könn­un sögðust 10% svar­enda vera óánægð með að þurfa að velja á milli Macron og Le Pen.

Tengd­ar frétt­ir

For­seta­kosn­ing­ar í Frakklandi 2017

Grunaður um að reyna að múta dóm­ara

• Háar fjár­hæðir í förðun for­set­ans
• Hamon seg­ir sig úr Sósí­al­ista­flokkn­um
• Macron og Pútín skipt­ust á skoðunum
• Voru með leyni­lega áætl­un gegn Le Pen

» Fleiri tengd­ar frétt­ir

• 2 blogg um frétt­ina

Bloggað um frétt­ina

• Íslenska þjóðfylk­ing­in: Niðurstaða frönsku for­seta­kosn­ing­anna ...
• Ásgrím­ur Hart­manns­son: Þá breyt­ist ekk­ert