Þýskir saksóknarar standa á bak við húsleitir víðs vegar um landið í dag þar sem leitin beinist að mögulegum hryðjuverkamönnum og stuðningsmönnum vígasamtaka.

Lögreglan leitaði meðal annars á heimilum í Berlín, Bæjaralandi, Saxlandi og Saxlandi-Anhalt í morgun. Að sögn lögreglu beindist leitin einkum að þremur einstaklingum, tveimur sem eru grunaðir um að vera liðsmenn Ríkis íslams en sá þriðji er grunaður um að styðja samtökin. Enginn hefur verið handtekinn enn sem komið er.

Spiegel greinir frá því á vef sínum að tveir þeirra séu grunaðir um vopnalagabrot. Innanríkisráðherra, Thomas de Maizière, hefur ekki viljað gefa frekari upplýsingar um aðgerðir lögreglunnar.

Tengdar fréttir

Ríki íslams

Scholz vill herða vopnalöggjöf í kjölfar árásar

• Heimsækir borg þar sem hnífaárás var gerð
• Hryðjuverkasamtök heilla unglinga á Tiktok
• Íslenskur netþjónn hýsti hryðjuverkaáróður
• Neita að tjá sig um Ríki íslams

» Fleiri tengdar fréttir

• 1 blogg um fréttina

Bloggað um fréttina

• Jóhann Elíasson: SVONA LIÐ VILL "GÓÐA FÓLKIÐ" FÁ TIL ÍSLANDS