Deildi leynilegum upplýsingum með Rússum
Setja bókamerki
Donald Trump, forseti Bandaríkjanna, deildi viðkvæmum og leynilegum upplýsingum um hryðjuverkasamtökin sem kenna sig við Ríki íslams með utanríkisráðherra Rússlands. Þetta kemur fram í bandarískum fjölmiðlum.
Upplýsingarnar komu frá bandamanni Bandaríkjanna sem hafði ekki gefið bandarískum stjórnvöldum leyfi til að deila þessum upplýsingum með Rússum, að því er fram kemur í Washington Post.
Atvikið átti sér stað þegar Trump fundaði með Sergei Lavrov, utanríkisráðherra Rússlands, í Hvíta húsinu í Washington í síðustu viku.
Dina Powell, þjóðaröryggisráðgjafi Bandaríkjaforseta, segir aftur á móti að þetta sé ekki rétt. „Þessi frétt er uppspuni,“ segir Powell sem var viðstödd fundinn.
„Forsetinn talaði aðeins um sameiginlegar ógnir sem þjóðirnar standa frammi fyrir.“
Þetta er ekki í fyrsta sinn sem Trump er bendlaður við rússnesk stjórnvöld og eru rannsóknir í gangi þar sem verið er að skoða samskipti hans við yfirvöld í Moskvu. Trump hefur vísað öllu slíku á bug, segir ásakanirnar „falsfréttir“.
Sjötti ferðamaðurinn er látinn
Rússar sagðir útvega N-Kóreu milljón olíutunnur
/frimg/1/53/8/1530849.jpg)
Fatlaður drengur fær ekki þjónustu í verkfalli
Fullvissa ferðamenn um að hér sé öruggt
Dómur þyngdur um þrjú ár
Hópur fólks reyndi að komast að eldgosinu
Litlar líkur á að hraunið nái til mannvirkja
Þarf að koma til móts við ólíkar þarfir lækna