Enginn hefur fengið verri meðferð
Setja bókamerki
Donald Trump Bandaríkjaforseti segir að enginn forseti Bandaríkjanna hefði fengið verri meðferð í valdatíð en hann. Trump segir að fjölmiðlar vestanhafs hafi ekki komið fram við hann á sanngjarnan hátt.
Greint var frá því í gærkvöldi að Trump hefði beðið James B. Comey, þáverandi yfirmann bandarísku alríkislögreglunnar, FBI, um að hætta rannsókn á fyrrverandi þjóðaröryggisráðgjafa Trump, Michael T. Flynn, á fundi sem þeir áttu í Hvíta húsinu í febrúar.
Sjálfur hafnaði Trump því alfarið í morgun og sagði í yfirlýsingu að hann hefði aldrei beðið Comey eða nokkurn annan um að hætta nokkurri rannsókn, þar með talið rannsókninni á Flynn.
„Enginn stjórnmálamaður í sögunni, og ég segi þetta með fullri vissu, hefur fengið verri meðferð en ég,“ sagði Trump þar sem hann hélt ræðu við útskrift strandgæsluliða í dag. „Það má ekki láta þá ná þér niður.“
Forsetinn hvatti útskriftarnema til að fylgja fordæmi hans. „Berjast, berjast, berjast. Aldrei gefast upp og þá munu hlutirnir ganga vel.“
Sólveig Anna furðar sig á aðferðum kennara
Fullvissa ferðamenn um að hér sé öruggt
Rússar sagðir útvega N-Kóreu milljón olíutunnur
„Höfum sloppið bærilega með skaða af þessu gosi“
Vika í kosningar: Þetta segja kannanir
/frimg/1/53/8/1530849.jpg)
Fatlaður drengur fær ekki þjónustu í verkfalli
