Fleiri eldflaugatilraunir
Setja bókamerki
Enn á ný voru gerðar tilraunir með langdrægar eldflaugar í Norður-Kóreu nýverið. Herinn í Suður-Kóreu staðfestir þetta og einnig Hvíta húsið í Washington. Eldflauginni var skotið á loft og náði hún í yfir 500 kílómetra hæð og lenti að öllum líkindum í Japanshafi. BBC greinir frá.
Í síðustu viku sögðust Norður-Kóreumenn búa yfir nýrri gerð af langdrægnum eldflaugum. Þessi eldflaug fór aðeins styttra en síðustu þrjár tilraunir þeirra en þær flaugar fóru í yfir 700 kílómetra.
Japanar leggjast gegn þessum tilraunum og segjast hafa gert athugasemdir við tilraunirnar við Norður-Kóreu.
Í síðustu viku sagði NATO að tilraunir Norður-Kóreu með langdrægar eldflaugar væri ógn við heimsfriðinn.
Fjöldi norðurkóreskra eldflaugatilrauna hefur valdið ugg á alþjóðavísu og spennu í samskiptum við Bandaríkin. Við þeim liggur blátt bann af hálfu Sameinuðu þjóðanna (SÞ). Tvær tilraunir í mars enduðu með því að flaugarnar sprungu skömmu eftir flugtak.
Ekki vandamál að vera karlmaður
„Höfum sloppið bærilega með skaða af þessu gosi“
Pútín reynir allt til að forðast aðra herkvaðningu
Reiðubúin að aflýsa verkföllum í fjórum leikskólum
Dómur þyngdur um þrjú ár
Ása Ellerup flutt út og ætlar að selja húsið
Þarf að koma til móts við ólíkar þarfir lækna