Mega eiga von á frekari árásum
Setja bókamerki
Fyrrverandi varnarmálaráðherra Bandaríkjanna, Robert Gates, varaði við því í dag að vestræn ríki mættu eiga von á frekari hryðjuverkum eins og árásinni sem gerð var í borginni Manchester í Bretlandi í gærkvöldi sem kostaði 22 manns lífið.
Gates, sem var varnarmálaráðherra í ríkisstjórnum Georges W. Bush og Baracks Obama, sagði að búast mætti við því að hryðjuverkasamtökin Ríki íslams legðu aukna áherslu á hryðjuverk á alþjóðavísu samhliða því sem þau misstu fótfestu í Sýrlandi og Írak.
Ráðherrann fyrrverandi lét ummælin falla á ráðstefnu í Washington, höfuðborg Bandaríkjanna. Benti hann á að þótt liðsmenn hryðjuverkasamtakanna hörfuðu í Sýrlandi og Írak þýddi það ekki að þeir hefðu misst sannfæringu sína um að ráðast yrði á „krossfarana“.
„Það þýðir einungis að þeir muni breyta um aðferðir,“ sagði Gates en tekist hefur að hrekja liðsmenn Ríkis íslams frá nær öllum helstu vígum þeirra í Sýrlandi og Írak. Búist er við að sókn gegn hryðjuverkasamtökunum í sýrlensku borginni Raqa hefjist á næstu mánuðum.
Gates segir að rétt eins og hryðjuverkasamtökin al-Kaída hefðu færst í aukana í kjölfar þess að fyrrverandi leiðtogi þeirra, Osama bin Laden, var drepinn árið 2011 ætti Ríki íslams eftir að verða bæði virkara og árásargjarnara gagnvart skotmörkum á Vesturlöndum.
Koma fyrstu tölur á sunnudagskvöldið?
Formaðurinn útilokar ekki undirritun í kvöld
Vonir bundnar við morgundaginn
Rannsókn á menningarnæturmáli lokið
Ákærður fyrir stunguárás á menningarnótt
„Við vöknuðum við hljóð frá sprengingum“
Auka aðgengi að Grindavík