Ekki hægt að stóla á Bandaríkin og Bretland
Setja bókamerki
Evrópa getur ekki lengur reitt sig fullkomlega á Bandaríkin og Bretland sem bandamenn, í kjölfar kjörs Donalds Trump í embætti Bandaríkjaforseta og brottgöngu Bretlands úr Evrópusambandinu. Þetta segir Angela Merkel, kanslari Þýskalands.
Hún segist vilja vinsamleg stjórnmálatengsl við bæði ríkin, auk Rússlands, en að nú þurfi Evrópa að berjast fyrir eigin framtíð.
Ummæli hennar koma í kjölfar G7-fundarins, þar sem ekki náðist að fá öll ríkin til að skuldbinda sig við Parísarsamkomulagið í loftslagsmálum, sem gert var í desember árið 2015. Merkel hefur áður sagt að viðræðurnar hafi verið mjög erfiðar.
„Tíminn, þar sem við gátum fullkomlega reitt okkur á aðra, er á útleið. Ég hef upplifað það á undanförnum dögum,“ sagði Merkel við viðstadda á framboðsfundi í Munchen í dag.
Samband Þýskalands og Frakklands sagði hún þá verða að vera í forgangi, samkvæmt umfjöllun BBC.
Sjötti ferðamaðurinn er látinn
Hulda saksóknari: „Tökum þetta ekki til greina“
Hópur fólks reyndi að komast að eldgosinu
Dregið úr gosóróa
Rússar sagðir útvega N-Kóreu milljón olíutunnur
Hraun kemur úr þremur gígum: Virknin stöðug
Reiðubúin að aflýsa verkföllum í fjórum leikskólum