Hillary Clinton, sem bauð sig fram til forseta fyrir hönd Demókrataflokksins, segir falskar fréttir og gabb á Faceobook hafa átt sinn þátt í því að hún tapaði fyrir Donald Trump í bandarísku forsetakosningunum í nóvember í fyrra.

Clinton sagði fyrr í þessum mánuði að afskipti rússneskra tölvuþrjóta og James Comey, þáverandi forstjóra bandarísku alríkislögreglunnar FBI, hefðu hjálpað til við að snúa kosningunum Trump í vil.

Clinton var meðal þátttakenda á Code-tækniráðstefnunni í Los Angeles í dag og nefndi hún þá Facebook og sagði dreifingu falskra frétta á samfélagsmiðlum hafa haft áhrif á þær upplýsingar sem fólk reiddi sig á.

„Hin hliðin var notkun efnis sem var bara einfaldlega rangt og sem sett var fram á mjög persónulegan máta,“ sagði Clinton í viðtali sem tekið var við hana sviði ráðstefnunnar

Reuters segir ekki hafa náðst samband við neinn af forsvarsmönnum Facebook vegna málsins, en Mark Zuckerberg, stofnandi Facebook, sagði eftir forsetakosningarnar í nóvember að það væri „bilað“ að halda því fram að falskar fréttir á samfélagsmiðlinum hefðu haft áhrif á kosningarnar með einhverjum hætti.

Stuttu síðar var þó greint frá því að Facebook ætlaði að taka upp nýjar aðferðir til að koma í veg fyrir útbreiðslu falskra frétta og að unnið yrði með vefsíðum á borð við Snopes og ABC-fréttastofuna við staðfestingu frétta.

Tengdar fréttir

Donald Trump verðandi Bandaríkjaforseti

Trump útnefnir olíujöfur í orkumálaráðuneytið

• Leavitt verður talskona Hvíta hússins
• Segir afstöðu Trumps margslungnari
• Segir að stríðinu verði að ljúka
• Repúblikanar fá meirihluta í fulltrúadeildinni

» Fleiri tengdar fréttir

• 2 blogg um fréttina

Bloggað um fréttina

• Wilhelm Emilsson: Búið spil
• Páll Vilhjálmsson: Falsfréttir, Pútin og tap frjálslyndra