Segir ummæli Trump „viðbjóðsleg“
Setja bókamerki
Tengdar fréttir
Donald Trump verðandi Bandaríkjaforseti
Mohammad Javad Zarif, forsætisráðherra Írans, segir ummæli Donalds Trump Bandaríkjaforseta eftir hryðjuverkaárásir Ríkis íslams í Teheran, höfuðborg Írans, í gær vera „viðbjóðsleg“.
„Viðbjóðsleg yfirlýsing Hvíta hússins,“ skrifaði Zarif á Twitter.
Trump sagði að „ríki sem styrkja hryðjuverkastarfsemi eiga það á hættu að verða sjálf fyrir barðinu á illskunni sem þau halda á lofti“.
Þrettán létust og yfir 40 særðust í árásunum.
Trump hefur lengi sakað Íran um að styðja við bakið á hryðjuverkum. Hann hefur hótað því að rifta samningi frá árinu 2015 á milli stjórnvalda í Teheran og vesturveldanna um kjarnorkuvopn.
Þrátt fyrir að Hvíta húsið hafi vottað Írönum samúð sína vegna árásanna hefur bandaríska öldungadeildin flýtt vinnslu löggjafar um nýjar refsiaðgerðir gegn Íran, meðal annars vegna „stuðnings við alþjóðlega hryðjuverkastarfsemi“.
Íranar segja að Sádi-Arabía, sem Bandaríkjamenn eru hliðhollir, beri ábyrgð á fjármögnun öfgasamtaka sem meðal annars styðji Ríki íslams.
Tengdar fréttir
Donald Trump verðandi Bandaríkjaforseti
Rannsókn á menningarnæturmáli lokið
Ekki hægt að slá gosið út af borðinu strax
Koma fyrstu tölur á sunnudagskvöldið?
Átta flokkar næðu inn
Börnin eiga að ýta við foreldrum sínum
Sendi nektarmyndir af dreng sem hann passaði
Vonir bundnar við morgundaginn