Ferðabann Trump leyft að hluta
Setja bókamerki
Hæstiréttur Bandaríkjanna hefur að hluta til aflétt lögbanni sem sett var á ferðabann íbúa sex ríkja þar sem múslimar eru í meirihluta og Donald Trump fyrirskipaði fyrr á þessu ári. Þá heimilaði Hæstiréttur jafnframt hluta af banni við komum flóttamanna frá ákveðnum ríkjum til landsins.
Ferðabannið nær til íbúa Íran, Libíu, Sómalíu, Súdan, Sýrlands og Jemen sem hafa engin fjölskyldutengsl við Bandaríkin. Að svo stöddu mun bannið það ekki hafa áhrif á þá sem eiga nána fjölskyldumeðlimi í Bandaríkjunum.
Trump telur bannið nauðsynlegt fyrir öryggi þjóðarinnar, en hefur verið gagnrýndur fyrir að mismuna múslimum vegna trúar sinnar og það brjóti í bága við stjórnarskrá landsins.
Bannið hafði verið fellt úr gildi af lægri dómsstigum og bandarískur áfrýjunarstóll komst nýlega að þeirri niðurstöðu að það skyldi áfram hindrað. Niðurstaða Hæstaréttar er því mikill sigur fyrir Trump.
Um er að ræða 90 daga ferðabann á íbúa sex múslimaríkja og 120 daga bann á flóttamenn.
Hæstiréttur mun svo í október taka ákvörðun um það hvort bannið taki gildi að öllu leyti eða verði slegið út af borðinu.
Ók á hóp fólks á jólamarkaði: Einn látinn
Skattamál verði líklega „þeirra mesta klemma“
Bjarni: „Útilokað að þetta geti gengið upp“
Fyrsti blaðamannafundurinn í heild sinni
Samfylking og Viðreisn gáfu loforð
„Börn heima sem maður myndi vilja hafa í skjóli“
Lát hjóna í Neskaupstað: Ákæra gefin út
Alvarleg netárás á Wise
