Sagði sjónvarpskonu hafa „blætt illa“
Setja bókamerki
Donald Trump Bandaríkjaforseti hefur verið harðlega gagnrýndur eftir enn eina Twitter-lotuna, þar sem hann sagði blaðakonu hafa „blætt illa eftir andlitslyftingu.“ Reiði forsetans beindist að stjórnendum sjónvarpsþáttarins Morning Joe, sem hann kallaði „brjálaða“ og „geðsjúka“.
Allar líkur eru á því að það hafi verið ummæli sjónvarpskonunnar Mika Brzezinski sem fóru fyrir brjóstið á Trump en hún lét að því liggja að hann gengi ekki heill til skógar.
„Allir í Washington, í stjórnkerfinu, þurfa að horfa á þetta út frá því að þeir hafi ekki gengist undir heilaskurð... af því að þú situr þarna og ert svo hræddur við hann og heldur að þú þurfir að sleikja þig upp við forsetann,“ sagði hún í morgun.
Trump svaraði með eftirfarandi tístum:
Trump var tíður gestur Morning Joe í aðdraganda forsetakosninganna en hefur átt í hatrömmum deilum við fjölmiðla eftir að hann tók embætti og ítrekað sakað þá um „falskan“ fréttaflutning.
Brzezinski var ekki lengi að skjóta til baka á forsetann.
Meðal þeirra sem hafa gagnrýnt forsetann fyrir uppátækið er öldungadeildarþingmaðurinn Lindsey Graham, flokksbróðir Trump, sagði sagði tístin fyrir neðan virðingu forsetans.
Mika Brzezinski er dóttir Zbigniew Brzezinski, sem var þjóðaröryggisráðgjafi Jimmy Carter. Meðstjórnandi hennar Joe Scarborough er fyrrverandi þingmaður Repúblikanaflokksins frá Flórída. Þau eru trúlofuð.
Morning Joe er sýndur á MSNBC.
Dómur þyngdur um þrjú ár
„Höfum sloppið bærilega með skaða af þessu gosi“
Fullvissa ferðamenn um að hér sé öruggt
Hópur fólks reyndi að komast að eldgosinu
Nýtt fangelsi í landi Stóra-Hrauns tilbúið 2028
Litlar líkur á að hraunið nái til mannvirkja
/frimg/1/53/8/1530849.jpg)
Fatlaður drengur fær ekki þjónustu í verkfalli